Bruchhausen

Brores op de Hüh, watt beß du schön

von Walter Schmitz (um 1900)

1. Weiß  du  wo  op  onse  Welt,  wo  et  jedem  jood  jefällt?
Weiß  du  wo  de  Lück  hann  imme  frohe  Sinn?
Wo  de  Hähnebach  entsprink,  wo  de  Wesderwald  bejinnt,
wo  me  lure  kann  von  owwe  op  de  Rhing,
do  lött  et sich  och  janz  jood  läwwe, 
do  föhlt  me  sich  su  richtisch  wohl!
Obb  en  Schüre,  obb  en  Kölle,
obb  en  de  Schweiz  oder  obb  en  Südtirol,
Refrain:           üwwerall,  wo  me  hinkütt,  hürt   me  sare:
                       „Brores  op  de  Hüh,  watt  beß  du  schön!“
                       Statt  die  Mädche  do  setzen  on  klare,
                       hann   se  em  Kopp  nur  jecke  Tön.
                       Och  die  Jonge  sin  demm  Herjott  jood  jelonge,
                       datt  kann  doch  keiner  üwwersehn.
                       Wo  me  hinkütt  wied  jesonge:
                       „Brores  op  de  Hüh,,  watt  beß  du  schön!“
                       Üwwerall,  do  wied  jesonge:
                       „Brores  op  de  Hüh,  watt  beß  du  schön !“


2. Brores  wor  add  fröher  schön,  datt  vezohl  et  Betze  Leen,
weil  et  jään  mem  Schang`s   Ohm  op  de  Musik  jing.
Mol  beim  Schladde  en  de  Laube,  mol  beim  Fuhrmann  en  de  Traube
joh,  do  soß  me  off  on  dronk  sing  Schöppche  Wing.
Äwwer  op  de  Kirmes  wor  me  all  zesamme
beim  Krüze   Dollewes  on  beim  Clino`sch  Mie.
Hat  beim  Danze  do  die  Stimmung  anjefange,
dann  song  der  janze  Saal  die  Melodie:
Refrain:


3. Me  jläuv  et  kaum, doch  et  es  wohr:  Brores  steit  add  dausend  Johr!
Dausend  Johr  on  mih  hann  Minsche  he  jeläv.
Met  vill  Möh` en  Freud` on  Leid  hann  die  och  en  schwerer  Zeit
onse  Dörfje  jood  erhahle  on  jefläch.
Drömm  könne  mir  hük  stolz  drop  luure 
op  ons  Brores  en  der schönen  Flur.
Wenn  ons  andere  deshalb  don  bedure,
singen  mir  voll  Stolz  datt  aahle  Leedche  nur:
Refrain:

Download als Liedtext mit Noten

 

 

Standardversion Mobilversion
bruchhausen.eu ist ein Angebot der Gemeinde Bruchhausen